ஆரியன்’ - விமர்சனம்
எதுக்காக கொலை, எப்படி கொலை நடக்குது என்ற கரு புதுசு. திரில்லர் பிரியர்களுக்கு விருந்து
சென்னையில் பிக்விஷன் தொலைக்காட்சியில் தொகுப்பாளினியாக இருக்கும் ஷ்ரத்தா ஸ்ரீநாத் .பொருளதிகாரம் என்ற நிகழ்ச்சிக்காக இளம் நடிகரிடம் நேரலையில் கேள்வி கேட்டுக் கொண்டிருக்கும் போது பார்வையாளர்கள் பக்கத்தில் அமர்ந்திருக்கும் செல்வராகவன், திடீரென்று எழுந்து துப்பாக்கி முனையில் அந்த இளம் நடிகரின் காலில் சுட்டுவிட்டு அந்த அரங்கை எனது கட்டுப்பாட்டுக்குள் கொண்டு வருகிறார்.
அடுத்த 5 நாட்களுக்கு ஒவ்வொரு நாளும் ஒருவர் என்று ஐந்து பேரை கொலை செய்யப் போகிறேன், முடிந்தால் தடுத்துக் கொள்ளுங்கள், என்று கூறுகிறார்.
இதனையடுத்து தொடர் கொலைகளை தடுக்க போலீஸ் உயரதிகாரியான விஷ்ணு விஷால் தலைமையில் குழு ஒன்று அமைக்கப்படுகிறது. குற்றவாளி செல்வராகவனை பிடிக்காமல் தொடர் கொலைகளை தடுக்க களம் இறங்குகிறார் விஷ்ணு விஷால்
இறுதியில் விஷ்ணு விஷால் 5 பேரை காப்பாற்றினாரா? இல்லையா? செல்வராகவன் சொன்னது போல 5 பேரை கொலை செய்தாரா? இல்லையா? கொலை செய்வதற்கான காரணம் என்ன? என்பதே ’ஆரியன்’ படத்தின் கதை.
போலீஸ் அதிகாரியாக காக்கி உடையில் கம்பீரமாக வலம் வரும் விஷ்ணு விஷால் நேர்மையான அதிகாரியாக இரவு பகல் பாராமல் கொலையை தடுக்க எடுக்கும் முயற்சிகள் .ஒவ்வொன்றும் அவரது கடின உழைப்பை கண் முன் கொண்டு வந்து காட்டுகிறது. மானாசா உடனான காதல், திருமணம்,விவாகரத்து ,ஆக்ஷன் என அனைத்திலும் சிறப்பான நடிப்பை வெளிப்படுத்தியிருக்கிறார். குறிப்பாக இறுதிக்காட்சியில் இவருடைய நடிப்பு பாராட்டுக்குரியது.
வில்லனாக நடித்திருக்கும் செல்வராகவன் மிரட்டலான நடிப்பை கொடுத்திருக்கிறார். அனுபவ நடிப்பின் மூலம் அந்த கதாபாத்திரத்திற்கு பலம் சேர்த்திருக்கிறார்.
தொலைக்காட்சி தொகுப்பளராக நடித்திருக்கும் ஷ்ரத்தா ஸ்ரீநாத், விஷ்ணு விஷாலின் மனைவியாக நடித்திருக்கும் மானசா செளத்ரி, கருணாகரன், அவினாஷ் என மற்ற வேடங்களில் நடித்திருப்பவர் என அனைவரும் கதைக்கு ஏற்ற சரியான தேர்வாக இருக்கிறார்கள்.
இசையமைப்பாளர் ஜிப்ரான் இசையில் பாடல்கள் மற்றும் பின்னணி இசை படத்திற்கு மிகப்பெரிய பலமாக இருக்கிறது. ஹரிஷ் கண்ணன் ஒளிப்பதிவு கதைக்கு பக்க பலமாக உள்ளது.
கொலைகளை தடுக்க நினைக்கும் கதாநாயகனை மைய கருவாக வைத்து சஸ்பென்ஸ் திரில்லர் திரைப்படத்தை கொடுத்திருக்கிறார் இயக்குனர் பிரவீன்.கே இத்திரைப்படத்தில் யாரும் யூகிக்க முடியாத வகையில் திரைக்கதை கொடுத்திருக்கும் இயக்குனருக்கு பாராட்டுக்கள்.
நடிகர்கள் : விஷ்ணு விஷால், செல்வராகவன், ஷ்ரத்தா ஸ்ரீநாத், மானசா சவுத்ரி, கருணாகரன்
இசை : ஜிப்ரான்
இயக்கம் : பிரவீன்.கே
மக்கள் தொடர்பு : சதிஷ் & சிவா (AIM)
Comments
Post a Comment